Македонија | 50-годишниот црногорски стратег Славољуб Бубоња е нов шеф на стручниот штаб на прилепскиот прволигаш Победа...



Клупското раководство успешно ги заврши преговорите со доскорешниот тренер на Морнар од Бар и тој од понеделник ќе ја преземе работата со екипата која на утрешниот меч со Силекс ќе ја водат помошните тренери Вршкоски, Кебакоски и Стерјоски.

Бубоња својот досега најголем успех како тренер го има со тимот на Челик од неговиот роден град Никшиќ со кој во 2012 го освоил Купот на Црна Гора (година во која е прогласен и за најдобар тренер во Црна Гора) а потоа 3 години по ред изборувал учество во квалификациите за Лига на Европа. Покрај во Челик како тренер работел уште во црногорскиот тим Јединство Биело Поље и во босанскиот клуб Младост од Обарска. Бубоња го наследува на клупата Зоран Штерјовски кој поднесе оставка по поразот на Победа од Работнички во средата во Прилеп од 2-4.

Извор: 24FUDBAL.com.mk