Македонија | Македонските фудбалери до 19 години ја победија и Белгија со 2-1 и на коло пред крајот го освоија првото место и се пласираа во елитната групна на квалификации за Европското првенство...



Македонија има нова златна генерација која многу ветува, денеска ја совладавме и фаворизираната Белгија на идентичен начин како и Швајцарија, со пресврт.

Натпреварот не почна најдобро за македонската репрезентација, по само десет минути игра Белгија поведе со гол на Фоулон. Но нивната предност не траеше долго, во 24. минута Чурлинов одлично нафрли до Елмас кој со глава го израмни резултатот на 1-1.

Во 86. минута Елмас изнуди пенал, а Јани Атанасов реализира од белата точка за комплетен пресврт и победа на Македонија за прво место и влез во елитните квалификации.

Во исто време се играше и мечот помеѓу Швајцарија и Лихтенштајн кој го добија Швајцарците со 2-1.

По второто коло на претквалификацискиот турнир во Скопје, Македонија има шест бода, Белгија и Швајцарија по три, Лихтенштајн е без бодови.

Во последното коло Македонија игра со Лихтенштајн, меч без резултатско значење, а Белгија и Швајцарија во директен дуел ќе се борат за втората позиција која исто така води во елитните квалификации кои се последната пречка до пласман на Европското првенство.

Извор: 24FUDBAL.com.mk