Македонија | Стратегот од клупата на италијанскиот второлигаш не сака да ризикува со првата ѕвезда на тимот...



Палермо утревечер (20,30 ч.) на домашен терен пред своја публика го пречекува тимот на Салернитана во 21 коло од италијанската Серија Б.

Како што и се очекуваше, тимот од Сицилија нема да ризикува со својот најдобар играч и капитен на екипата, 27 годишниот напаѓач Илија Несторовски, ова го потврди и шефот на стручниот штаб на тимот, Бруно Тедино, а причината е јасна.

„Во текот на вчерашниот ден внимателно ја разгледавме ситуацијата со Несторовски и решивме тој да остане дома, денес е во ред, но не е во најробра состојба, не е во одлична кондиција, но е достапен“ истакна Тедино.

И покрај тоа што се рехабилитираше од повредата, Несторовски се врати на тренинзите, меѓутоа вчера тамошните медиуми објавија дека се здобил со вирус,  очекувано, утревечер нема да го гледаме на предвиднеиот натпревар, но сигурно настап ќе има Александар Трајковски кој во изминатиов период бележи фантастични настапи.

Извор: 24FUDBAL.com.mk