Англија | Според англискиот весник „Сан“, Жозе Мурињо и Пол Погба имале жестока расправија во канцеларијата на Португалецот...



Пол Погба игра под очекувањата, а некои сметаат дека причина за тоа е и тактиката на Жозе Мурињо.

„Сан“ пишува дека Погба бил во канцеларијата на Жозе Мурињо, му рекол дека фудбалерите не се задоволни од тактиката и зборувал за неговата позиција на теренот.

Состанокот завршил со расправија, Мурињо му рекол на Погба кога ќе излезе да го види знакот на вратата на кој пишува „тренер“ во случај да не знае кој е главен во тимот.

Погба два пати беше заменет и три пати го немаше во стартната постава на последните пет натпревари.

Мурињо на прес конференциите демантира дека има недоразбирања со Погба, тврди дека двајцата бараат решение како францускиот фудбалер да има подобар учинок на теренот, но медиумите постојано пишуваат за негативна енергија помеѓу двајцата.

Се шпекулира дека Погба би можел да го напушти Манчестер јунајтед во летниот преоден рок.

Извор: 24FUDBAL.com.mk