Англија Агентот на Марко Бориело открива дека Манчестер Сити се обиделе да го купат неговиот клиент.

Во последниот ден од преодниот рок, Бориело од Милан се пресели во Рома, откако на Сан Сиро пристигна Робињо.

И Јувентус беше заинтересиран за Бориело, но фудбалерот ја одбра Римската Волчица.

Агентот на Бориело, Тиберио Кавалери открива дека и Сити биле заинтересирани за фудбалерот, но тој сакал да настапува во Лигата на Шампионите.

"Со доаѓањето на Робињо и Ибрахимовиќ, јасно беше дека ќе нема место за Бориело" - вели агентот Кавалери за Corriere dello Sport.

"Јувентус беше првиот кој сакаше да го ангажира, но позајмица со неконкретен договор беше формула која не му се допаѓаше на Марко".

"Но не беше заинтересиран само Јуве, во понеделникот лично ми се јави Роберто Манчини".

"Разговаравме и тој ми кажа дека го сака Бориело во Манчестер Сити, но јас му објаснив дека Марко сака да игра во Лигата на Шампионите многу повеќе отколку во тим кој настапува во Лига Европа".

"Зошто Рома? Бидејќи тие му понудија на Марко долгорочен проект, Росела Сенси го увери во пасијата на раководството, и поради можноста да игра во Лигата на Шампионите".

"И поради две смс порако кои ги доби од Даниеле Де Роси".

Powered by: 24 FUDBAL.com.mk