Доколку проектот на научниците од Националниот тајвански универзитет успее, повеќе нема да мораме да ги паметиме своите лозинки. Ќе бидат доволни нашите отчукувања на срцето. Дури предвидуваат дека нема да ни требаат ни идентификациони документи како возачки дозволи и пасоши.

Тајванските научници од Националниот тајвански универзитет, на чело на чие истражување е Чункг-Лианг Лин, се обидуваат да дојдат до математички формули и податоци кои би довеле до систем на логирање со единствени отчукувања на срцето.

Научниците веруваат дека овој начин на логирање би можел да ги замени сите постоечки начини за пристап на различни системи и проверка на идентитет, а би работел така што на одреден сензор ќе го положите прстот чии отчукувања на срцето посебен ЕКГ уред во компјутерот ќе ги спореди со срцевиот пример зачуван на компјутерот.

Дури и ако во моментот на логирањето вашите отчукувања на срцето бидат поинакви од оној снимен на компјутерот, системот секогаш ќе знае дека се работи за вас затоа што шифрираната схема ќе се заснова на математичка теорија на хаосот, каде и мали промени доведуваат до различни последици.

Сензорскиот систем би можел да биде вграден на маусот, тастатурата или екран чувствителен на допир, па доколку би забележал дека се работи за поинакви отчукувања на срцето, автоматски ќе ве одлогира.