Американските компании се тужат веќе некое време, а победата, како и во последниот случај, главно ја однесе Моторола - време е Ејпл да го плати својот дел...

Компанијата Ејпл кон средината на годината поднесе тужба "поради нефер однесување и лошо постапување кон конкуренцијата". Имено, Моторола утврдила, а судот потврдил, дека Ејпл без знаење на компанијата во своите iPhone модели кориситл Моторола патенти.

Затоа, Моторола и наложи на компанијата Ејпл да и плаќа по 2,25% по iPhone модел (гледано по вкупната нето заработка) што Ејпл непречено одби и поднесе тужба. За жал, тужбата е одбиена и Ејпл нема да има право да поднесе нова против Моторола, додека не заврши процедурата со поднесената жалба за оваа тужба, која е во тек.

Не се сомневаме дека Ејпл ќе се жали, но прашање е како судот ќе реагира, а искуствата со таквите постапки главно се неповолни за компанијата која се жали.

Во меѓувреме, од друга страна, Моторола се согласила судот да го одреди надоместокот кој ќе го добива од секој продаден iPhone уред, а Ејпл понудил тоа да биде 1 долар. Моторола ја игнорирала оваа понуда.

Судејќи според досегашната пракса, Ејпл ќе плати за "позајмените" патенти, само останува да се види колку. Сумата сигурно нема да биде мала, затоа што ретроактивно ќе ги опфати сите iPhone модели од 2007 па наваму.