Руската тјунинг компанија TopCar овојпат не бараше начин за тоа како во моторот на Cooper S да додаде дополнителна сила, туку подготви одличен оптички тјунинг кит, кој може да се нарача за цена од 4 375 евра!

Приказната опфаќа нови каросериски елементи како, редизијанирани преден и заден браник со нова и подобра дифузија на воздухот, раскошно проширување на предните и задните крила, нови облоги на праговите и алуминиумска маска за ладилникот.

Во цената е вклучена и посебната темно-зелена боја на каросеријата, а за задниот пригушувач на издувниот ситем, кој има 2 цефки и е од добро познатата компанија Remus TopCar, потребна е доплата од 592 евра. Доплатата за сетот црни 18 инчни тркала изнесува 2500 евра, а доколку сакате Brembo сопирачки, тоа ќе ве чини дополнителни 2 375 евра.

Резултатот од соработката на TopCar со компанијата Mansory овозможи понуда на крокодилска кожа за внатрешноста на Cooper S Bully. Таа заедно со одредени карбонски додатоци се нуди за дополнителни 7000 евра.

Прочитај повеќе на avtoblog.mk