Повеќе од 200 експерти се согласиле дека до 2030 г. ќе имаме автомобили без ретровизори, волан, свирка, рачна кочница и педали...



„Луѓето се лоши возачи за разлика од роботите“, истакнале експертите од институтот за електроника и инженерство (IEEE). Иако луѓето не се свесни, овие автомобили веќе ги има на патиштата. Ако погледнеме околу нас ќе видиме дека автомобилите имаат темпомат, сензори за да останат на патиштата, препознавање на пешаци, помош при паркирање, и.т.н.

Се разбира, за да се реализира сето тоа, треба прво да се усовршат законите и автомобилите. Треба да се утврди одговорноста доколку дојде до сообраќајна несреќа.

Преминувањето во автомобили без управувач и педали ќе биде вистинска револуција. Една ситуација е да го ставите возачот во автомобилот во кој тој ќе може да го пушти воланот и да се одмори, а сосема друга ситуација е да го ставите во автомобил без волан, каде и да сака да вози нема да може.

Алберто Броги е инженер и професор по сметководство на Универзитетот во Парма, кој вели дека оваа промена е неизбежна, но сепак треба да се направат уште многу тестирања и проверки пред да тргнат автомобилите на патиштата.

Броги вели дека маркетингот нема да се фокусира на промовирање на коњските сили, туку на сигурноста на автомобилите, што ќе биде клучен фактор за продажба на овие автомобили.

Очигледно е дека постојано технологијата оди напред и се повеќе во реалноста ги гледаме оние работи кои порано ги имало само на филмови. Во тој случај, можеби Марко Брамбила добро го предвидел ова во филмот „Demolition Man“ од 1993 година?