NO.1 е кинеска компанија која главно има понуди со „клонирани“ популарни телефони...



Паметниот телефон што го нуди кинеската компанија чини една третина од вредноста на Samsung Galaxy S5. Трикот за пониската цена на овој телефон е што изгледа идентично или многу слично и имаат вградено послаб хардвер, што им овозможува пониска цена.

NO.1 S7 има пластична маска изработена од сличен материја како и S5 со речиси исти димензии и тежина. Имате чувство како да го држите оригиналот во раце. Распоредот на типките се на истите места како и кај Samsung S5.

Екранот му е еден од најдобрите - Full HD AMOLED. NO.1 S7 „под хауба“ има MediaTek MT6582 четири-јадрен процесор со брзина од 1.3Ghz, 1GB RAM, додека за графиката се грижи Mali-400 MP2 GPU. Единствената голема разлика е во бенчмарк тестирањето: S5 постигнува 35.000 бодови, а S7 постигнува околу 17.000.

Она што е најинтересно кај фотографиите е што камерите - задна и предна, според спецификациите се потполно исти, но сепак S5 има многу подобри, поостри и поквалитетни слики, отколку S7.

No. 1 S7 има lithium polymer батерија со деклариран капацитет од 2800mAh исто како и кај Samsung S5. После неколку дена тестирање можеме да кажеме дека наведениот капацитет не е вистински и трае многу помалку.