Microsoft стана поинаква компанија која ги следи технолошките трендови и како сите се обидува да навлезе длабоко во пазарот...



Со оглед на тоа што премногу задоцнија на пазарот на паметни телефони и таблети, сигурни сме дека Microsoft нема да ја направи повторно истата грешка. Тие ја објавија новата паметна нараквица и „Health Market“, клауд сервис, кој има за цел да ги следи сите ваши дневни физички активности.

Паметната нараквица Microsoft Band започнува со продажба во четверток по цена од 199 долари и ќе биде достапна во продавници и онлајн. Батеријата на уредот трае 48 часа на едно полнење, чија намена е да се носи по цел ден и ноќ, односно да добива известувања од мобилен уред.



Microsoft Band може да се користи со iOS, Android и Windows Phone уреди. Нараквицата има 10 сензори кои ги следат вашиоте активности како што се: отчукувања на срце, UV сензор за мерење на изложување на сонцето со помош на галванизација на кожата, со што може да се мери и количината на стресот.