Hewlett-Packard вчера го претстави „компјутерот од иднината“, кој нема глувче и тастатура, туку се управува само со екран чувствителен на допир...



Освен тоа, иновативниот компјутер има и дополнителна површина како екран, која се користи и како виртуелна тастатура. Моделот Sprout има проектор над екранот, четири камери и скенер што може да скенира 2D и 3D објекти. После скенирањето на објектите од 3D формат, корисникот може да го поместува на екранот и да прави што сака со него. Со дополнително специјално „пенкало“ може да се цртаат објекти на дополнителна површина чувствителна на допир и тогаш да се помрднуваат на екранот и да се користат во апликации.

Овој модел на компјутер „all-in-one“ нема класично куќиште, туку сите компоненти се наоѓаат во самиот монитор и работи со Intel Core i7 процесор, има 1TB простор за податоци и доаѓа со последната верзија на Windows.