Google отсега ќе работи на компјутер кој ќе биде толку интелигентен, што ќе може сам да се програмира...



Лери Пејџ, извршниот директор на Google, изјавил дека сака да се развиваат производи кои ќе ја обележат иднината на оваа компанија, која со години работи на автомобили без возачи, беспилотни летала и роботи.

Инженерите од Deep Mind работат на случајот за развивање на вакви интелигентни компјутери. Оваа компанија е во сопственост на Google, која е специјализирана за вештачка интелигенција.

Целта на Google е да ги зголемат инвестициите и истражувањата во полето на вештачка интелигенција и компјутерско учење, односно сакаат да направат компјутери кои ќе можат да размислуваат како луѓето и ќе можат самостојно да донесуваат одлуки врз основа на искуство, односно учење.

Новиот компјутер „Neural Turing Machine“ ќе функционира така што ќе ја комбинира работата на класичниот компјутер со начинот на кој функционира човечкиот мозок - компјутерот има краткорочна меморија од човечкиот мозок, која му овозможува да меморира и учи нови работи, кои ќе ги користи за извршување на други логички задачи освен оние за кои е програмиран.

Почетните тестови на овој компјутер покажале дека тој може да создаде сопствени едноставни програмски алгоритми, како што се копирање и сортирање, а потоа да ги користи во понатамошното функционирање.