Со технолошкиот напредок може да очекуваме дека во иднина паметните телефони ќе бидат квалитетни до степен што ќе може да заменат компјутер и конзоли за играње...



Мобилните компании вградуваат се повеќе моќни процесори, поголема меморија и се поквалитетни камери, кои може да заменат и класични дигитални фотоапарати.

Mashable подготвил список од неколку иновации, кои може да ги очекуваме во наредната година кај паметните телефони. Тие ќе се движат во насока на подобрување на процесорот Snapdragon 810 и подолго траење на батеријата.

4K видео

На пример, екранот на LG G3 веќе има повеќе пиксели отколку што ни се потребни (резолуција 2,560 x 1,440 пиксели). Новите модели на паметни телефони, кои ќе се посветат на подобрување на Snapdragon 810 процесорот, ќе имаат поддршка и за 4K видеозаписи, односно ќе можат да пренесуваат безжично Ultra HD видео записи на телевизор (се разбира, само на Ultra HD телевизори). Оваа година на пазарот ќе се појават се повеќе телефони со кои ќе може да се снима 4K содржина и се верува дека за три години ќе постојат повеќе од 500 милиони телефони со кои ќе може да се снимаат видео записи со ваква голема резолуција.

Оптички зум

Од Mashable велат дека фотографирањето со мобилни уреди ќе се подобри и камерата Core Photonica – станува збор за комбинација од две камери, од кои едната е класична мобилна камера, а другата ќе има леќа, која ги зголемува сликите за три пати. Со користењето на овие моќни Qualcomm процесори, телефоните ќе може да комбинираат фотографии од двете камери.

Подобар квалитет на звукот

Еден од најголемите проблеми кај телефоните е звукот, при што новите процесори Qualcomm треба да го подобрат и ова.

Телефоните како домашни компјутери

Со оглед на тоа што се користат се повеќе моќни процесори за паметните телефони, тие може да се користат и како лични компјутери, преку посебни ресивери безжично ќе се поврзуваат со монитори, тастатура и глувче.

Телефоните како конзоли

Телефоните веќе се користат и за играње на видео игри, а благодарение на Snapdragon 810 процесорот, новите модели на телефони и таблети успешно ги заменуваат конзолите за игри. Така можеме да очекуваме игри со многу подобра графика, во кои ќе можеме да уживаме на ТВ со безжично поврзување.