Минатата година е објавено истражување за начините на кои мексиканските нарко картели ги користат социјалните мрежи...



Се покажало и дека наместо дилерите и криминалците да се кријат од полицијата и јавноста, тие често ги користат социјалните мрежи, каде објавуваат фотографии со дрога, оружје и пари, па се фалат со своите акции.

Најчесто ги има на Facebook, Instagram и Twitter, а освен тоа, нарко картелите ги следат и другите технолошки трендови, како на пример беспилотните летала. Дроновите најчесто се користат за фотографирање и снимање од небото (што носи и голем број опасности за приватноста, поради шпионирање), а во иднина, големите компании како Amazon и Google, ќе ги користат за достава на продукти, храна и слично.

Мексиканските нарко картели се увериле дека овие летала може да бидат многу корисни за достава, затоа ги употребиле како нов начин за достава на дрога. Според информациите на американските агенции за сузбивање на наркотици (DEA), мексиканските дилери досега користеле повеќе од 150 беспилотни летала за криумчарење на кокаин и други видови на дрога преку границите.