Ова е фантастичен уред за својата цена и тешко ќе пронајдете подобар паметен телефон по цена од 150 долари...



Вака новинарите на ZDnet го опишале новиот паметен телефон на Motorolа, Moto E. Станува збор за еден од првите мобилни уреди на Motorolа, направени откако оваа компанија ја презема кинеското Lenovo минатата година, а една од најголемите предности на новата верзија на Moto E, е поддршката за LTE, односно можност за сурфање на интернет со голема брзина.

Moto E има екран со дијагонала од 4,5 инчи, резолуција од 960x540 пиксели (со густина на пикселите од 245 ppi, што е половина од густината на пикселите во iPhone 6, велат од Motorolа), функционира на четиријадрен Qualcomm 1,2GHz процесор, има 2,390 mAh батерија и работи на Google мобилен оперативен систем Android, последната верзија 5.0 Lollipop. Останатите опции, вклучувајќи го и 1GB RAM, задната камера со резолуција од 5MP, а предната VGA камера веројатно нема да ги воодушеви љубителите на селфи. Има 8GB внатрешна меморија и можност за SD мемориска картичка со капацитет до 32GB.

Неговата цена на американски пазар ќе изнесува 149 долари - без потпишување на договор со мобилни оператори.