Сите погледи се насочени кон Apple Watch, новиот уред од компанијата, кој овој пат повторно влегува на новиот пазар за паметни часовници...



Apple вложува големи надежи во својот најнов производ - Apple Watch. Последните месеци, нивниот паметен часовник се појавува на насловните страници на познатите модни списанија, а се шпекулира и дека компанијата ќе отвори специјални продавници во кои ќе се продава само Apple Watch.

Месец дена пред официјалното лансирање, ќе ја дознаеме точната дата на 9 март, при што Apple полека ги подготвува своите вработени, со цел подобро да се продаваат новите уреди. Гласините од Берлин, каде отишол Тим Кук во посета, кажуваат дека Apple Watch нема да биде ексклузивно достапен само во САД, туку, истиот месец ќе се најде во продажба и во Германија, Австралија, Франција, Велика Британија, Канада и други.

„Сакаме да бидеме во цела Европа до крајот на годината, но, не знам дали ќе успееме во тоа, а сметам дека ќе успееме. Нашите намери се да го направиме тоа што побрзо“, додава извршниот директор на Apple, Тим Кук.

Основната верзија на Apple Watch ќе чини околу 349 долари, што го категоризира како еден од најскапите паметни часовници на пазарот.