Организацијата за глобално управување со домејни (ICANN) најави проширување на списокот на домејни, на пример: .healthcare, .deals, .porn и .suck...



Намерата е домејнот .healthcare да биде во функција полесно да се најде доктор или информација за здравје, но, .porn домејните се наменети за страници со порнографска содржина и затоа се исплашени голем број на познати личности. Така троловите од 1 јуни ќе може без никакви ограничувања да ги купуваат овие домејни и на тој начин да ги провоцираат, навредуваат и уценуваат. На пример, некои од потенцијалните домејни би гласеле: 'www.taylorswift.porn' или 'www.taylorswift.adult', односно 'www.office.porn'.

Со цел да се избегне ваква ситуација да се регистрираат такви адреси, од ICANN им дозволиле на познати личности и брендови пред 1 јуни да купат и регистрираат такви домејни со своето име, со цел да избегнат потенцијални проблеми со тролови. Првите што ја искористиле оваа опција како превентива се Тејлор Свифт и Microsoft, кои, според информациите од CNN, веќе ги резервирале .porn и .adult домејните.