Најавите од пред еден месец конечно испливаа на површина - Google ја претстави својата сопствена мрежа...



Проектот се вика "Project Fi". Од прва не звучи како име на некоја мобилна услуга и наменета е само за корисници на Nexus 6 уредите на подрачјето на САД.

Google вели дека членарината во мрежата чини 20 долари месечно за основниот пакет, во кој се вклучени разговори и Wi-Fi tethering, а за дополнително 10 долари плус, компанијата нуди 1GB интернет сообраќај. Можеби звучи многу, но од Google велат дека ќе се наплатува само дел од потрошената услуга. Ако на пример не го потрошите цел сообраќај, кон крајот на месецот ќе ви стигне враќање на парите на сметката во банка.

Проектот е направен во соработка со T-Mobile и Sprint, кои помогнале во покривањето со сигнал. Моментално 4G брзината на интернет е достапна само во поголемите градови, додека во сите останати делови е достапен 3G стандардот.