Многу иноватори и ентузијасти се опседнати со изработка на „лебдечка даска“, „лебдечки скејтборд“ и слични направи, кои за прв пат можевме да ги видиме само на филмот „Враќање во иднината“...



Каталин Александру Дуру успеал, па дури после една година истражувања успеал да направи лебдечка даска. Ако оваа интересна направа може така да се нарече, тогаш сигурно овој човек си обезбедил место во технолошката историја. Кога Гинисовата книга на рекорди ќе потврди дека сте најдобри на светот во одредена работа, тогаш дефинитивно тоа има своја тежина, без оглед на тоа што многумина ги доживуваат овие рекорди како несериозни.

Каталин успеал да изработи посебен вид на дрон, доволно моќен и стабилен за да издржи тежина на возрасен маж. Овој лет бил реализиран на 25 август 2014 година над езерото Аурои, во канадскиот Квебек, но дури сега е верифициран како најдобар на светот и добил награда за најдолго патување, односно лет со лебдечка даска.

За соборување на рекордот теоретски му биле доволно и 50 метри, но Каталин Александру Дуру летал точно 275,9 метри, што е многу повеќе од она што се очекувало.