Денес на пазарот постојат повеќе модели на паметни телефони кои се водоотпорни, но повеќето мобилни уреди може лесно да се уништат со пад во вода...



Ако ви се случи да ви падне мобилниот телефон во вода, не паничете, постојат начини на кои можете да го зачувате вашиот уред, а она што итно треба да се направи, е да го извадите телефонот што е можно побрзо надвор од водата.

Не смеете да се обидте да го проверувате веднаш дали телефонот работи, или пак уште полошо, да го приклучите на полнач. Ако се уште е вклучен и потоа, исклучете го веднаш.

Најпрво извадете ја батеријата, СИМ картичката и ако има, мемориската картичка исто така. Протресете го телефонот за да излезе водата од него колку што се може повеќе, а потоа оставете го на сува крпа или хартија. Една од најголемите грешки што ги прават луѓето во оваа ситуација е да го дуваат телефонот (или во внатрешноста на телефонот во процепите за полнење, звучници или слично) со фен за да се исуши побрзо. Немојте да го правите тоа, затоа што на тој начин водата може да навлезе уште повеќе во внатрешноста на телефонот.

Наместо тоа, за да ја извлечете влагата од телефонот, земете правосмукалка, но внимавајте да не го допирате телефонот. 10 - 20 минути смукање преку отворите на телефонот би требало да биде доволно. Потоа оставете го повторно на сува површина, крпа или слично и проверувајте го колку влажност има се уште во него.