Технологијата и интернетот го променија начинот на кој комуницираме и голем дел од виртуелната комуникација се одвива преку Viber, WhatsApp, Facebook Messenger, итн...



Основачот и шеф на компанијата Facebook, Марк Цукерберг, верува дека технологијата со текот на годините ќе напредува толку многу, што ќе ни овозможи телепатско праќање на пораки и статуси. Преку оваа ултимативна комуникациска технологија луѓето ќе може да си ги испраќаат своите мисли. Ќе биде доволно само нешто да помислите и вашите пријатели автоматски ќе може тоа да го почувствуваат и доживеат, рекол Цукерберг.

Во иднина стандарден облик на комуникација би можела да стане виртуелната стварност, а потоа ќе дојде и времето на телепатија, односно можноста за комуникација со споделување на „емоционални искуства“. Шефот на Facebook вели дека со подобрувањето на комуникациските алатки се подобруваат и нашите животи, бидејќи на тој начин градиме подобри односи со луѓето што ги сакаме и сме подобро информирани и запознати со нештата што се случуваат низ светот. на тој начин можеме да донесуваме подобри одлуки поврзани со нашите животи и работата.