OnePlus конечно го претстави својот нов flagship телефон - OnePlus 2...



Наследникот на OnePlus One моделот има рамка од магнезиум и метални типки, што е големо подобрување во споредба со првата генерација на OnePlus смартфоните. OnePlus 2 доаѓа во две верзии, од кои едниот има цена од 329 долари, со меморија од 16GB, додека моделот со 64GB простор за складирање на податоци чини 389 долари. Како што се очекуваше, OnePlus 2 има Qualcomm Snapdragon 810 SoC (верзија 2.1), 4GB RAM (модел со 64GB внатрешна меморија, т.е. 3GB RAM (16GB моделот). Дисплејот останува непроменет во споредба со OnePlus One моделот - станува збор за 5.5-инчен дисплеј и 1080p резолуција.



Телефонот има камера од 13MP и оптичка стабилизација на сликата, ласерски фокус, 4K видео снимање и slow-motion опција од 720p @120FPS. Предната камера има сензор од 5MP, сензор за отисоци на прсти, кој се наоѓа на OnePlus 2 телефонот, побрз е од оној на iPhone 6 моделот, а корисниците во уредот може да снимаат и до пет различни отисоци на прсти.

За напојувањето на телефонот е задолжена батеријата со капацитет од 3300mAh, иам USB Type-C порт, а тука е и dual-nanoSIM опцијата и 4G LTE конекцијата. Физичките димензии на уредот се 151,8 x 74,9 x 9,85 мм и тежи 175 грами. OnePlus 2 ќе биде достапен за нарачка на неколку пазари од 11 август, а другите земји ќе го добијат моделот при крајот на годината.