Првите Google Glass наочари беа на удар од јавноста поради нарушување на приватноста и тоа што имаат камера и микрофон - луѓето може да бидат снимани на јавни места без знаење...



Затоа Google прекина со продажбата на овие наочари и се врати во лабораторија. Овие денови Google во тајност започнал со достава на новата верзија на Google Glasses до програмерите, кои треба да развиваат интересни и корисни апликации за новиот уред.

Новиот модел на наочари би требало да направи пресврт во споредба со претходните гаџети. Google веќе нема да продава класични наочари со рамки, туку уредот ќе се закачува на класични наочари. Новите наочари ќе имаат подобар и побрз Intel процесор и многу поиздржлива батерија, првенствено наменета за бизнисмени и во полето на медицината, за магацини, производни ленти и слично. Се очекува да се започне со продажба на новите Google Glasses есенва.