Samsung има проблеми со новиот модел Galaxy Note 5...



Note петката се карактеризира со голем дисплеј и моќен хардвер, има S Pen пенкалце, со кое може побрзо да се активираат одредени опции на телефонот. Ниту еден Note модел досега немаше проблеми со пенкалцето, но годинава Samsung направи одредени промени, така што пенкалцето може да се стави на отворот на телефонот и во обратна насока.

Така при ставањето на пенкалецот во телефонот настануваат проблеми, не само што S Pen се заглавува и тешко се вади, туку доаѓа и до онеспособување на функциите на пенкалцето. TechSpot претпоставува дека Samsung е свесен за овој проблем, но немал време за негово поправување, па затоа ги предупредуваат корисниците да внимаваат како го ставаат пенкалото во уредот. Во упатството пишува дека со погрешно користење, S Pen може да се оштети себеси и телефонот. Компанијата се брани само со тоа што препорачува корисниците убаво да го прочитаат упатството пред употреба.