Неделава во Берлин започнува големиот саем на потрошувачка електроника IFA, каде технолошките компании ќе ги презентираат своите нови уреди ...



Плановите на Sony за овој саем веќе излегоа на неофицијалниот блог на Xperia со фотографии од смартфоните што ќе ги претстави. Sony продолжува со праксата на претставување 3 уреди - модел со помали димензии, класичен смартфон и фаблет. Xperia Z5 Compact ќе има дисплеј од 4,6 инчи и резолуција од 720x1,280 пиксели, класичната Xperia Z5 ќе има екран со Full HD резолуција од 5,2 инчи, а Xperia Z5 Premium ќе иам голем екран со дијагонала од 5,5 инчи и резолуција од 1,440x2,560 пиксели.



Хардверот на телефоните ќе биде горе-долу ист – Qualcomm Snapdragon 810 процесор, 3GB RAM меморија, 32GB внатрешна меморија и камера од 23MP со сензор и 5X Clear Image зумирање, која би требало да го има најбрзиот автофокус на светот. Инженерите на Sony дополнително го оптимизирале и софтверот за да бидат фотографиите уште повеќе квалитетни. Од предната страна најверојатно ќе има 8MP камера, а сите модели ќе бидат отпорни на вода и прашина.