Бројните технолошки компании веќе долго време се обидуваат да најдат решение за лозинките што на корисниците им овозможуваат едноставна и безбедна пријава на нивниот профил - e-mail, социјални мрежи, банкарски апликации и друго...



Запишувањето на класични лозинки може да биде ризично затоа што луѓето често користат едноставни зборови што лесно се памтат. Така се зголемува ризикот за пробивање на нивните профили, додека користењето на двојна автентификација за многумина е напорно, бидејќи освен лозинки, мора да внесуваат и посебни кодови што им пристигнуваат како СМС порака на мобилниот телефон.

Затоа Google сега има совршено решение - Project Abacus излегува другата година, кој на корисниците им обезбедува сурфање на сервисот без запишување на лозинки, ПИН, ставање прст на сензор и слично. Project Abacus ги собира податоците за корисничките навики за користењето на уредот и локациите на кои се користат апликации, а ги користи препознавањето на гласот и лицето. Врз основа на тие податоци се собираат бодови (Trust Score) врз основа на кои телефонот или таблетот ќе знае дека корисникот е нивниот сопственик.