Umi Touch е 5.5 инчен смартфон со стандардни димензии, кој добро ви лежи во раката и со дизајнот ги следи најновите модни трендови...



Металното куќиште Unibody му дава посебна цврстина, што го покажуваат и некои crash тестови. Дисплејот е чист благодарение на неговата FullHD резолуција со 441 пиксели по инч. Уредот има прединсталиран Android 6.0 оперативен систем, кој функционира со 8-јадрен процесор, 3GB RAM меморија, внатрешна меморија 16GB, што можеби не е многу, но можете да ја проширите со microSD картичка.

Батеријата е една од најмоќните карти на Umi Touch, затоа што има капацитет 4.000mAh, а дизајнот е толку тенок, па затоа телефонот воопшто не е тежок. На предната страна има сензор за отпечатоци, кој што функционира прилично солидно и со кој може да се заштитат вашите датотеки, мапите и самиот уред. Има задна камера 14MP и предна 5MP. Цената на телефонот е пристојна, 140 долари, што е многу скромно.