Каде ја држите својата опрема за вежбање? Дали се гордо изложени во вашата дневна соба, или ги вадите надвор од визбата или плакарот...?
Ciclotte нуди справа која ќе можете гордо да ја изложите на некое фреквентно место во станот или куќата.
Овој футуристички стационарен велосипед за вежбање е дел на дизајнерот Луси Шипатија, кој идејата за обликот на велосипедот ги превземал од концептуалниот велосипед наречен Ciclo и кој се наоѓа во приватна колекција на миланскиот музеј за дизајн.
Ciclotte е направен од челик, фиберглас и карбонски влакна и магнетизирано тркало. Овој уникатен велосипед користи посебен систем за пренос и магнетно поле, кое генерира отпор при возењето. Иако можеби потсетува на футуристичка инсталација, оние со малку подлабок џеб можат да си го приуштат Ciclotte по цена од 10.700 долари.
