Честото и внимателно миење на рацете со сапун е првата и најважна препорака за заштита од грип, настинка и сите инфективни заболувања...

Одржувањето на потребната хигиена на рацете е еден од елементарните и ефикасни начини за да избегнете инфекција на грип, настинка и други слични заболувања, бидејќи повеќето од инфекциите влеваат во организмот токму преку контакт со раце, советуваат лекарите од државниот универзитет на Пенсилванија (Penn State University). Освен од вирусите на грипот и настинките, миењето на рацете може да ве заштити од инфекција со такви бактерии како салмонела и E.coli.

"Секој ден ние допираме предмети, покриени со различни микроби: копчиња во лифт, рачки на врати, компјутерска тастатура, телефонска слушалка... Штетните микроорганизми се таложат на нашите раце, а оттаму во очите, носот или устата. Многу од инфекциите на горните дишни патишта се развиваат токму поради недоволната хигиена на рацете", велат американските научници.

"Рацете треба да се мијат по секое посетување на тоалетот, при контакт со болен, промена на пелени на мало дете, допир на животно, фрлање на ѓубре, по секое кивање и кашлање".