Масажата која ја прави обучен терапевт може да ви донесе многу повеќе од уживање и опуштање...

Новото истражување покажало дека масажата ги намалува воспалителните процеси во организмот на молекуларно ниво, на начин кој може да се спореди со ефект на лекови против болка.

Масажата исто така ја забрзува работата на митохондрите, ќелиските органели кои се вистински мали "централи" за производство на енергија.

Научниците направиле анализа на примероците земени од мускулното ткиво на волонтери, кои претходно возеле велосипед, а потоа терапевт им ја масирал едната нога. Примероци од биопсија биле земени од мускулното ткиво на двете нозе пред вежбање, по десет минути масажа и по два и пол часа на одмор.

Резултатите од студијата покажале дека масажата ја намалува активноста на хемиските соединенија кои предизвикуваат воспалителни процеси, а истовремено ја забрзуваат работата на митохондрите.

Научниците веруваат дека масажата ја намалува болката на сличен начин како анти-инфламаторните лекови.

"Масажата може да биде корисна во терапија на различни услови, вклучувајќи и дегенеративни процеси кои се последица на стареењето, пациенти кои страдаат од мускулно-скелетни повреди и оние кои живеат со хронични воспалителни болести", вели д-р Марк Тарнополски од Мекмастер универзитетот во Канада.

"Нашето истражување докажа дека масажата треба да се вклучи во терапија кои патат од гореспоменатите проблеми".

Масажата помага и во намалување и контрола на болката, ја опушта мускулната тензија, но е од корист и за луѓето кои страдаат од проблеми со дишењето, вознемиреност и замор.