Клетките стареат до 4 пати побрзо, ако во нив нема доволно витамин Ц, се наведува во јапонска студија...
За тоа сведочат објавените резултати на јапонските научници од институтот за герентологија и универзитетот за медицина и стоматологија во Токио, под раководство на Акихито Исигами.
Преку обидите на генетска основа тие утврдиле дека ако во организмот ви недостига витамин Ц, тоа води до мутации и го зголемува ризикот од различни болести, а целокупното стареење се забрзува до 4 пати.
Препорачаната дневна доза на витаминот Ц е 60 мг, а може да се надополнува од природни извори и разновидно јадење.
Најбогати со витаминот се различните видови храна од растително потекло - цитрус, цреши, малини, домати, пиперки, спанаќ и друго.
Експертите препорачуваат дека дневната доза на витамин Ц се зголемува пропорционално со физичката активност, но не смее да надмине 1 грам.
