Прекумерното јадење може двојно да го зголеми ризикот од губење на меморијата кај возрасните луѓе, покажува истражувањето на американски научници...

Тие утврдиле дека луѓето кои конзумираат повеќе од 2100 калории дневно, многу поверојатно е да страдаат од "благо когнитивно нарушување" од оние кои земаат помалку калории. Откритието покажува дека одржувањето на диета со малку калории во постарата возраст го задржува умот бистар и дури може да спречи Алцхајмерова болест.

Американските научници ги истражувале навиките за јадење и пиење на 1200 лица на возраст меѓу 70 и 89 години кои не страдале од деменција. За целите на истражувањето тие требало да бидат подложени на тестови за меморија. Научниците откриле дека 163 учесници имале проблеми со меморијата, а ризикот од вакви проблеми бил два пати поголем кај луѓето кои конзумирале најмногу калории.

Врската била јасна, дури откако научниците земале во предвид и други фактори кои влијаат на губењето на меморијата, како нивото на образование или доживување на мозчен удар, дијабетес или депресија. Научниците ги поделиле научниците на три групи - едната со луѓе кои конзумираат од 600 до 1500 калории дневно, друга со луѓе кои конзумираат 1500 до 2100 калории и трета со луѓе кои конзумираат од 2100 до 6000 калории.

Кај луѓето од првите две групи не биле утврдени никакви значајни разлики, што значи дека конзумирањето на помалку од 2100 калории не претставува ризик од загуба на меморијата.