Брзината со која некој оди укажува на шанса таа личност да се разболи од деменција во подоцниот период од животот, соопштија американските научници. Исто така и силината на стисокот на раката во средната доба може да се доведе во врска со шансите за мозочен удар.

Истражувачите нагласиле дека во двата случаи неопходно е да се направат додатни тестови, за да се утврди влијанието на останатите фактори.

Д-р Ерика Камарго, која го спровела истражувањето во Медицинскиот центар во Бостон, изјавила дека врската меѓу бавното одење и деменцијата посоти кај постарите луѓе, но дека не е јасно дали тие важат во средната доба на живот.

За време на истражувањето, бележени се брзините на одење на 2.410 луѓе кои во просек биле стари 62 години. Резултатите, кои ги презентирале на годишната конференција на Академијата за неврологија, покажуваат дека 34 личности развиле деменција, а дека 79 лица доживеале мозочен удар.

Научниците заклучиле дека побавното одење укажува на поголеми шанси за појава на деменција, а посилниот стисок на понизок ризик од мозчен удар.

„Ова се едноставни канцелариски тестови кои можат да пружат увид во ризикот од деменција и мозочен удар и лесно можат да ги направат невролозите или општите лекари“, рече Камарго.

Д-р Ен Корбет од Здружениот за борба против Алцхајмер вели дека луѓето сами можат да направат многу на смалување на ризикот од деменција.

„Препорачуваме да се храните здраво и урамнотежено, не пушете и одржувајте здрава телесна тежина, бидете физички активни и редовно контролирајте го крвниот притисок и холестеролот“, рече Колберт.