Гладувањето преку денот го продолжува животот, докажаа американските научници...

Тие открија дека гладувањето ја заситува активноста на мозокот и истовремено помага за симнување на килограми. Националниот институт, ги истражувал процесите на остарувањето и соопштиле дека за целите на истражувањето на група животни им било давано минимално количество калории, неопходни за живеење, а резултатите покажале дека тие живееле до два пати подолго.

По тоа диетата била спроведена врз луѓе и се покажало дека таа го штити срцето, циркулацијата и мозокот против болести поврзани со стареењето како Алцхајмерова болест.

"Ограничувањето на калориите го продолжува животот и го штити мозокот, кардиоваскуларниот систем против заболувања поврзани со стареењето", изјави Марк Метсон, шеф на лабораторијата по неврологија на националниот институт.

Кај еден експеримент, група глувци биле хранети преку ден, а други добивале храна секој ден. И двете групи имале неограничен пристап до храна во деновите кога им било дозволено да јадат и на крајот конзумирале иста количина калории. Професорот Матсон открил дека глувците кои биле хранети преку ден, биле почувствителни на инсулин и требало да произведуваат помалку количество од него.

Високите количества на хормонот, кој се произведува, за да го контролира нивото на шеќер во крвта по јадењето, обично се поврзува со намалена мозочна активност и висок ризик од дијабетес. Потоа биле споредени резултатите на двете групи глодари. Професорот Матсон објасни дека диетата со ограничените калории го подобрува функционирањето на мозочните синапси.

Тоа се односите помеѓу мозочните клетки, кои го стимулираат создавањето на нови клетки и ги прават отпорни на стрес. Претходни истражувања открија дека гладувањето за неколку дена помага во борбата против ракот.