Најплатената манекенка на денешницата, Жизел Бундшен, како дете сакала да стане атлетичарка...



Ако го погледнете нејзиното тело и ден денес би помислиле дека професионално се занимава со атлетика. Жизел има затегнато тело, а трчањето е нејзината страст.

Секогаш изгледа добро, иако Жизел има две деца - Бенџамин е роден во 2010, а Вивиен во 2012 година. Жизел вели дека ги практикува следните правила:

- Никогаш не скратувај се себеси од нешто ако сакаш, само не прејадувај се.
- Не избегнувај јаглени хидрати, тие се извор на енергија за телото.
- Вежбањето нека биде составен дел од твојот живот.

Пет дена во неделата Жизел прави кардио вежби, а два дена во неделата се резервирани за јога. Таа вежба Анусара јога, односно јога која е поедноставна од другите, и дозволува поголем избор на асани, односно пози.

Кога сака да се забавува, манекенката оди да сурфа, вежба аеробик во вода, или трча по 45 минути дневно. Ужива во боречки спортови, најмногу кунг фу, исто така.

Жизел не држи диета и слободно си јаде месо, така што пилешкото е често на дневното мени. Јаде сиров зеленчук, строго си забранува преработена храна и јаде по многу овошје секој ден.

Дневно внесува околу 1600 калории и вели дека не може да замисли појадок без тост и вечера без риба. Никогаш не оди на спиење веднаш по јадење, чека да поминат најмалку 3 часа.