Стресот влијае врз работата на срцето, па така и други силни емоции влијаат врз други органи...



Алтернативната медицина се поврзува со негативното размислување и чувствата за некои болести. Овие пет силни чувства, може да доведат до проблеми со некои органи.

На пример, поради бес ни се зголемува крвниот притисок, што може да предизвика главоболка и вртоглавица. Бесот што го криеме се поврзува со забавување на работата на црниот дроб, кој е одговорен за исфрлање на отровите од телото. Изливот на бес, може да предизвика губење на апетитот, проблеми со варењето и дијареа.

Ако доживееме пак шок, поради љубовно разочарување на пример, адреналинот расте и тоа ја намалува ефикасноста на функцијата на срцето.

Стравот предизвикува претерана потреба за мокрење, што е основна телесна функција поврзана со работата на бубрезите. Долготрајната изложеност на стравот кон некоја личност, нешто или појава, предизвикува потешкотии, кои ја намалуваат работата на овој важен орган.

Тагата доведува до плачење, кратко дишење и физички замор, а долготрајната изложеност на оваа емоција, ја намалува функцијата на белите дробови. Кинеското хомеопатско лекување на депресија, на пример, подразбира стимулација на акупунктурните точки, кои се наоѓаат токму под овој орган.

Луѓето што се грижат многу, често имаат проблеми со варењето на храната. Негативното размислување може да доведе до дијареа, повраќање и други хронични проблеми во гастроинтестиналниот систем. Некои научници ја поврзуваат опсесивната грижа со поголема веројатност од добивање на чир на желудникот, или во најлош случај, рак.