Валентина Мауреира (14) од Чиле страда од цистична фиброза и затоа сака да и се изврши евтаназија...



Валентина се снимала во болничкиот кревет и видеото го објавила на YouTube, преку кое и се обраќа на претседателката на Чиле, Мишел Башел и ја моли да и дозволи да почине достоинствено.

„Барам итно да разговарам со претседателката, бидејќи не можам да живеам повеќе со оваа болест. Ми треба нејзино одобрување за да примам инекција, која ќе ме успие засекогаш“, вели девојчето, чиј постар брат починал од истата болест, кога имал само 6 години.

Алваро Елизаде ја застапува претседателката, тој вели дека е невозможно некој да не биде трогнат со нејзиното барање, но дека е исто така невозможно нејзината желба да биде остварена, бидејќи не е во согласност со законот на Чиле. Во таа прилика рекол дека министерството за здравје е во контакт со семејството на Валентина и дека е обезбедена сета неопходна психолошка помош, како и сите достапни медицински третмани. Кликнете на овој линк за да го погледнете трогателното видео со девојчето.

Валентина страдала од болести на органите за дишење и недоволна исхрана, кога е примена во болница на 30 јануари, вели нејзиниот доктор Андреас Кастиљо.

„Моментално третманот е насочен кон нејзината недоволна исхрана, а персоналот е голема поддршка за неа и нејзиното семејство“, вели докторот.