Реј Курзвејл е иноватор, бизнисмен, футурист, научник и човек, кој сака да живее вечно, кој го проучува животот на поинаков начин од сите нас...



Реј е познато име во технолошката област и работи во Google. Неговите иновации ја променија музиката засекогаш, а во последно време се почесто може да се слушне зборот “singularity” од неговата уста, за кој вели дека ќе се случи во 2030 година.

Интересно е што Курзвејл смета дека има 40 биолошки години, иако реално има 67 години. Овој човек има несекојдневен карактер и секој ден конзумирал по 250 нутриционистички таблети дневно, но денес пие само по 100, благодарение на развојот на технологијата.

„Овие таблети се додаток за здравјето на срцето, очите, сексот и мозокот“, истакнува Курзвејл.

После утринската порција од 30 таблети, Курзвејл појадува бобинки, темно чоколадо со еспресо, димен лосос и скуша, ванилино млеко од соја, каша и зелен чај. Овој избор ги нагласува „здравите јаглени хидрати“ и го намалува внесувањето на јаглени хидрати.

Оваа исхрана го чини Курзвејл околу милион долари годишно, со фактот што вечниот живот се уште е само илузија. Значи, ретко кој може да си овозможи ваков живот.