Гените ја кријат тајната за зачувување на нашето здравје. Неодамна е откриено дека може да помогнат на патот кон здраво слабеење...



Со развојот на генетиката е откриено дека гените содржат многу важни и корисни информации за животот на човекот. Со анализа на нашата ДНК, возможно е да се откријат моментални болести, предиспозиции за развој на одредени болести, а новите истражувања потврдиле и дека нашиот генетски код одредува која исхрана ни одговара, исто како и тоа на кој начин треба да вежбаме.

Врз сето ова се потпира ДНК диетата, односно нутригенетиката. Современата нутриционистичка генетика дава одговор на прашањето како нашиот генотип влијае врз интеракцијата помеѓу храната, телесните активности и здравјето. Во прашање е целосно персонализиран пристап, кој е уникатен за секој човек, бидејќи се тргнува од личниот генотип.