Волшебниот црн пијалок им годи на непцата, а во умерени количини го подобрува и здравјето, не буди и не тера да одиме во WC...



Кафето го забрзува лачењето на урината и делува како лаксатив, односно ја забрзува столицата. Знаете ли зошто?

Лаксативните својства на кафето се благодарение на кофеинот, кој стимулира контракции на мускулите во дебелото црево, а тие контракции се слични со оние што ни се случуваат во цревата после јадење. Една чаша кафе може да содржи 80 - 175 милиграми кофеин, додека во истата количина на Кока Кола има само 34 милиграми од овој стимуланс. Тоа објаснува зошто газираниот пијалок нема исти лаксативни својства како кафето.

Вештачките засладувачи во кафето може да предизвикаат надуеност, гасови и пролив. Млечните додатоци како што се млеко, павлака и шлаг, содржат лактоза, шеќер кој може да предизвика пролив и други гастроинтестинални проблеми кај луѓето што немаат толеранција на лактоза и тие што не се толку чувствителни на млечен шеќер. На вторите им се случува тоа затоа што способноста за варење на лактоза се намалува со текот на годините.

За здраво варење на храната во желудникот, се препорачуваат до две шолји кафе дневно.