Научниците докажале дека, со мерење на нивото хормонот на стресот, кортозол, тие дури можат да предвидат, дали срцевиуот удар е неизбежен.

Обично кортизолот се мери во урината или во плунката, но овие истражувања го покажуваат нивото на стресот само во моментот на земањето мостра и не можат да обезбедат долгорочен поглед.

За целите на истражувањето д-р Гидеон Корен и д-р Стен Ван Уум од Универзитетот во Западно Онтарио го измериле нивото на кортизолот во прамените од коса.

"Интуитивно ние знаеме дека стресот е штетен, но не е лесно да биде измерен. Знаеме дека, косата расте во просек по еден сантиметар месечно, така што ако земеме прамен од коса, долга 6 сантиметри, може да го утврдиме нивото на стресот за шест месеци", објаснува д-р Корен.

Научниците испитувале 56 мажи во медицинскиот центар Меир во Израел, кои преживеале срцев удар. Тие земале примероци од нивната коса и од косата на учесниците во контролната група. Во косата на сите пациенти, кои преживеале срцев удар било утврдено повисоко ниво на кортизол во последните три месеци пред ударот.

Тоа значи дека меѓу сите познати ризични фактори, високото ниво на кортизол во косата е најсилниот показател на срцев удар во неделите пред тој да се случи, утврдиле научниците.