Фестивалот во Торонто започнува со документарен филм за U2 и ќе вклучува претставување на новите филмови на Лук Бесон и Френсис Форд Копола...

На фестивалот, кој ќе се одржи од 8 до 18 септември, ќе се одржат премиерите за Северна Америка на филмови на Педро Алмодовар, Нани Морети, Џорџ Клуни, Мадона и Ларс фон Триер.

"За прв пат во 36 години, Меѓународниот филмски фестивал во Торонто ќе започне со документарен филм", изјави Камерон Бејли, директор на фестивалот.

"From The Sky Down", кој ја раскажува приказната на популарната Ирска група, е во режија на носителот на Оскар Дејвид Гугенхајм.

Фестивалот во Торонто е најголемиот филмски фестивал во Северна Америка. За разлика од Кан и Берлин, на овој фестивал нема жири, но наградата ја доделува публиката.