Египетските археолози пронашле голема статуа од фараонот Аменотеп III, кој владеел со Египет пред речиси три илјади години.
Врховниот совет за антиквитети соопшти дека статуата од дедото на Тутанкамон е пронајдена во храмот на фараонот во Луксор.
Статуата висока тринаесет и пол метри е направена од обоен кварцит и е составена од неколку големи блокови кои, кога ќе бидат споени, ќе го претставуваат фараонот како стои.
Аменотеп III владеелд од 1390 до 1352 година пред нашата ера.
Големата статуа е пронајдена по откривање на неколку реликвии на Аменотеп III минатата година во неговиот храм во Луксор.
Археолозите минатата година пронајдоа уште една статуа од Аменотеп III, висока тринаесет метри која, заедно со статуата што е сега пронајдена, го красела северниот влез во големиот храм на западниот брег на Нил.
