Министерството за култура на Италија покрена истрага за наводите дека делови камења од античкиот Колосеум почнале да се дробат и паѓаат.

Очевидци во недела пријавиле дека од познатата римска градба почнале да паѓаат камења. Италијанската агенција ANSA јавила дека тоа се повторило и вчера.

Директорката на Колосеумот, Росела Реа демантирала дека каменот од Колосеумот почнал да паѓа. Таа рекла дека во прашање е колективна психоза која повремено се јавува кога е во прашање Колосеумот.

Италијанската организација за заштита на животната средина Legambiente повеќе пати укажувала дека загадувањето кое настанува од издувните гасови и вибрации поради густиот сообраќај би можело да го оштети Колосеумот.

За реставрација на Колосеумот италијанските власти издвоиле 25 милиони евра, а таа работа би требало да почне во март.