Парискиот Лувр ја „зацементира“ својата положба како најпосетуван музеј во светот со рекордни 8,8 милиони посетители минатата година.

Музејот лани забележа пораст на посетите за 5% по тригодишниот број од околу 8,5 милиони посетители годишно, се наведува во соопштението.

Од вкупниот број посетители, 66% биле странци, а најмногу имало од САД, потоа од Бразил, Италија, Австралија и Кина.

Француските претставници соопштиле дека минатата година бројот на француски музеи генерално пораснал за 5% - на околу 27 милиони посетители.

Британското списание Art неодамна објави дека вториот најпосетуван музеј во светот е Британскиот музеј со 5,8 милиони посетители, а потоа њујоршкиот Метрополитан со 5,2 милиони.