Американските современи книжевници за најдобри дела на 19 и 20 век ги избрале книгите на Толстој и Набоков.
Списанието „Атлантик“ ја пренел анкетата во која учествувале 125 современи американски писатели, меѓу кои Стивен Кинг, Џојс Керол Оутс, Клер Месуд и други, кои бирале најуспешен писател, како и најдобри дела од 19 и 20 век.
Најуспешните пера на светската литература, според нив, се Лав Толстој, Вилијам Шекспир и Џејмс Џојс. По нив се Владимир Набоков, Фјодор Достоевски, Вилијам Фокнер, Чарлс Дикенс, Антон Чехов, Гистав Флобер и Џејн Остин.
Најуспешни дела на 19 век се „Ана Каренина“ на Толстој, „Мадам Бовари“ на Флобер и „Војна и мир“ на Толстој, додека најдобри дела на 20 век се „Лолита“ на Набоков, „Големиот Гетсби“ на Френсис Скот Фицџералд и „Во потрага по изгубеното време“ на Марсел Пруст.
