Два века од раѓањето на Чарлс Дикенс откриен е најстариот филм направен по делото „Тмурна куќа“.

Филмот од 1901 година трае само 1 минута, но претставува единствен документ на филмската уметност.

Лентата насловена „Смртта на сиромашниот Џо“, снимена според „Тмурна куќа“ на Чарлс Дикенс, пронајдена е во архивата на Британскиот институт за филм.

„Прекрасно е да се открие толку редок и единствен филм и тоа во годината на обележување на јубилејот“, изјавила архивистката на институтот Брајон Диксон Ројтерс. „Не само што преживеал филмот, туку станува збор за најраниот филм според Дикенс“.

Чарлс Дикенс, авторот на романите „Оливер Твист“ и „Големи очекувања“, е еден од најпознатите британски книжевници и писател чии дела се најмногу адаптирани за филм и телевизија.

Пред ова откритие во институтот, се сметало дека најраниот филм според роман од Чарлс Дикенс бил Scrooge or Marley's Ghost од ноември 1991 година.

Филмот „Смртта на сиромашниот Џо“ е снимен пред март 1901 година и зборува за сиромашниот ѓубрар кој се замрзнува покрај ѕидот на црквата стегајќи ја својата метла. Во моментот кога чуварот поминува покрај него, Џо паѓа на земјата и умира.