Зимата е период кога повеќе време минуваме дома, со книги, филмови, семејството и пријателите. Затоа "The Guardian" објави список на дела од класичната книжевност за кои смета дека се совршени за читање во зимскиот период...

На прво место се наде Чарлс Дикенс, кој сите некако го поврзуваат со зимата поради "Божиќни песни", која е погодна за читање и на глас, особено во друштво на деца.

Исто така се препорачуваат и "Стара и ретка продавница за книги" и "Мрачна куќа", поради стилот на кој се напишани, но и поради асоцијациите на зима.

Исто така се препорачуваат и романите од Џејн Остин како што е "Гордост и предрасуди". Оние чувствителните на студ можат да се стоплат, макар и во мислите, читајќи ги авантуристичките романи како што се "Тројца мускетари" од Александар Дима или "Грофот Монте Кристо", "Островот со богатство" од Роберт Луис Стивенсон.

За романтичните души вистински избор е Борис Пастернак и "Доктор Живаго".

Ако не ве привлече ништо од предлозите на The Guardian, тогаш направете си сопствен избор. Важно е да читате, и зима и лето, она што вас ве привлекува, дури и кога не е во светските или домашни листи на препорака.

Особено внимавајте со бестселерите - тие се најчесто плод на маркетинг, отколку што навистина претставуваат добри книги.