„Главата на апостолот“ од славниот Рафаело е продадена за неверојатна 36,9 милиони евра.

Цртежот на Рафаело е дел од студијата за „Преобразување“ и е создаден во 1519 година. Продаден е за 36,9 милиони евра, што е рекордна цена за цртеж некогаш продаден на аукција. Претходниот сопственик, приватен колекционер од Четсворт, очекувал околу 20 милиони.

„Главата на апостолот“ е цртеж направен со креда, со формат 38 на 28 сантиметри. ВО колекцијата во Четсворт се наоѓаат околу 3.000 цртежи од големи мајстори, меѓу кои се Рубенс, Рембрант и други.

Британскиот печат вели дека купувачот на „Главата на апостолот“ е од Русија, но тоа не е официјално потврдено.